tee square

استعرض الموضوع السابق استعرض الموضوع التالي اذهب الى الأسفل

tee square

مُساهمة  Amir M. Alamir في الجمعة 20 يونيو 2008, 2:42 pm

اثنين مساطيل مارين جنب كلية الهندسة , شافو طالب هندسة شايل ليهو مسطرة طويلة جداً ( تي سكوير ) ، قام المسطول الأول : سأل التاني ( لا حولا دي مسطرة شنو الطويلة دي؟ )
رد التاني : أكيد دي تكون سيف الجامعة البيقولوه داك

**************************
مسطول بحب الكتشينة
جاء ساطل سطلة ليها ضل
دخل البيت
امو قالت ليهو يا ولد غطي البت دي
قال ليها لا ، بعّرج يا حاجة .

**************************
اثنين مساطيل .. راكبين عربية الأول سايق والثاني راكب ورا .. الراكب ورا سطل سطلة شديدة ..
ماشين في شارع النيل .. السايق شاف الشجرة (نصها التحت مضروب بجير أبيض ) أفتكرها عسكري حركة .. راح واقف علي طول ..
ولما شافها شجرة ضحك وطلع طوالي ..
بعد مسافة الثاني من ورا .. قال ليه .. السمبر دا قال ليك شنو ؟

**************************
كنّا بنشيّد في بيت أخونا المهندس ( محمد صالح إبراهيم سليمان ) ، وفي السطوح كانت هناك غرفتان ، سقفهما من القرميد ( المرسيليا ) ولم يكن قد تم تركيبهما بعد ، فمر علينا أحد المشاه وسـألناه عن منظر البيت ، فرد قائلاً :
البيت حلو إلا الكرانك الفوق ديل ما في ليهن داعي .

**************************
واحد بحب الكتشينة ، وهو يتوكأ علي عصاتين ، وكان نازل من البص علي راحته ، فسأله أحدهم : يا حاج ما تنزل إنت نازل بالتسمية ....
فرد عليه : وما تقول جوكريييييين وما تامّي النزول .

*********** نواصــــــــــل *********
avatar
Amir M. Alamir

المساهمات : 92
تاريخ التسجيل : 07/06/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: tee square

مُساهمة  Admin في الجمعة 20 يونيو 2008, 3:02 pm

اهي اهي ههههههييييي
احلى سنبرية
في دعاش خريفنا
avatar
Admin
Admin

المساهمات : 121
تاريخ التسجيل : 08/12/2007

معاينة صفحة البيانات الشخصي للعضو http://www.moryh.com

الرجوع الى أعلى الصفحة اذهب الى الأسفل

السنبـــــــر

مُساهمة  Amir M. Alamir في السبت 21 يونيو 2008, 6:31 am

السنبر البفرح صغيرو ........ غشانا و إتقاطر رجع
و شدرنا من لفح السموم ...... غصنو الرقص رويان وقع
لا شابا لي ريحة دعاش ...... لا هش لي برقاًً لمـــــع

*********************
سوكرن علي المرور آدميييييييــــــن
flower
avatar
Amir M. Alamir

المساهمات : 92
تاريخ التسجيل : 07/06/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

أرث الفكاهة عند مختلف القبائل السودانية وحسب تقاليدهم وعادات

مُساهمة  ضو البيت حامد تب الضو في السبت 21 يونيو 2008, 2:07 pm

ثلاثـة رباطـاب مشـوا يـوم الـوقفة ‏لـلترزي
عشـان يجيـبوا منـه جلالـيب الـعيد لـما قـاسوها لقـوه عاملـها ليهـم ‏قصـيرة جـدا
الأول قـال ليهو: أريـتك بالقـصر اليخلـيك مـاشي ‏وطـاقيتك جـارّه بالـواطة
التاني قال ليهو: أريتـك بالقصر اليخلـيك تـتـشابا ‏لـلفنجان
والتالت قال ليهو: أريـتك بالـقصر اليـخليك قاعـد في ‏البرش وكـرعيك مدلـدلات
_____
‏عمر البشير في حلفا بصوت عااااااااااالي
قال للحلفاويين
تهليييل
بصوت واحد قالوا ليهوووووووووو
هلّ هلّ
______

شايقي الدخل مع ابليس في صندوق
بعد ما الشايقي صرف الصرفة الاولى
عاين لي ابليس وقال ليه
بسم الله
_____
‏واحد معزوم فى مناسبة .. مشى إتغدى و قبل ما يغسل يدينه فكر ‏يتخارج و يزوغ من الكشف
.. ‏و فعلآ ‏مرق بالراحة بالباب الصغير الخلفى .. لى حظه السيئ أول ما طلع لقى طربيزة الكشف ‏قدامه
.. ‏صاحبنا قعد يمسح فى يدينه
( ‏و قال لى الراجل الماسك الدفتر: ( ‏محل الغسيل بى وين؟
( ‏الراجل قال ‏ليه : ( محل الغسيل بى هناك .. لكن هنا دة محل المكواة
_____

‏رباطابي ماشي البلد بالقطر ونائم
ونايم جنبوا شايقي
والشايقي معاهو ولدو الصغير
الشافع سليط كل دقيقتين يتحرك
والشايقي يدور يلمس ولدو يتأكد انو ‏في
يدو تقع في الرباطابي
الرباطابي يسألو عايز شنو يا زول؟؟
وتاني الشافع يهرب وابوه يلمس ‏الرباطابي
واخونا الرباطابي زهج منو شديد
قال ليهو ياخي انت ولدك دا ابريق ‏ما تكورك ليه؟؟
_____
‏فى عـطبرة فـى ‏السبعـينات ايـام دكـاكين الـيمانية
رباطابى مشى لليمانى قال ليهو: عايز لي سفنجية صينية متينة تعيش ‏معاي سنين وسنين
اليمانى ناولو واحدة وشكرا ليه
بعد يومين الرباطابى رجع زعلان
وقال لليمانى ياها دى سفنجتك ‏المتينة ؟ اها اتقطعت
قام اليماني قال ليهو: غريبة والله سفنجتى دي اختها لابسها لي 6 شهور ما جاتا حاجة
الرباطابى زعل منو وقال ليهو : انت تقارن نفسك بى انا
يا أخوى انت قاعد فى دكانك دا زى ‏اللسان كدا لا بتحرك جاي ولا جاي
______

رباطابـي جاء ‏للجزار وقال ليه اديني كيلو لحمة
الجزار كل مرة يقطع حته لحمة ‏ويرميها في الميزان
وبدأ كل مرة يقطع حته لحمة ‏ويرميها في الميزان
كل مرة يقطع حته لحمة ‏ويرميها في الميزان
الجزار قال الميزان دا ما داير ‏ينزل مالو ؟
الرباطابي قال ليهو ينزل كيف عاد
وانت بترمي ليهو في الدوهات من ‏قبييل كيف ينزل
_____
‏شايقى و رباطابى ‏اصحاب
من زمن المدرسه ما اتلاقوا زمن ‏طويل
اتلاقوا مره و الجماعه كبرو
الرباطابى راسو شيّب بقى قطنه
الشايقى سال الرباطابى
يا زول الحاصل ليك شنوا راسك بقا ‏ابيض كدا
الرباطابى قال ليهوا
قلبت هوبا فى طاحونه
_____
‏الدنقلاوى مرته كل يوم تطبخ ليه مولخية فى الفطور والغداء ‏والعشاء صاحبك كره الاكل زاته
يعني اليوم والأيام التاليه
‏يوم ‏صحى الصباح لقى المرة شايلة القفة وطالعة قال ليها : ماشى وين ياوليه ؟
قالت : ما ماشة الزرع اجيب ليك ‏المولخية
قال ليها : وعلى ايه متعبة روحك ما ‏تربطنا هناك احسن
____
‏رباطابي الليل كلو ‏يعطس ويكح
مرتو سألتو قالت ليه
عندك نزلة؟؟
قال ليها لا بختار لي في نغمة
_____
‏واحد متزوج تلاااااااااااااااااااااااااااته نسوان
لاقاهو صحبو و قال ليو: بالله عامل ‏شنو مع حريمك التلاته؟
‏رد عليو: ‏والله زى عازف البنقز...بصرف فى الاتنين الصغار....و مره مره بصرف على الكبيره
____
‏رباطابى عندو فرن جاهو شحات قال ليهو لى يومين ما ضقت طعم ‏العيش ..قال ليه ياهو زاتو طعمو ما اتغير

ضو البيت حامد تب الضو

المساهمات : 73
تاريخ التسجيل : 16/06/2008
العمر : 55

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: tee square

مُساهمة  مناهل محمد على حميده في السبت 21 يونيو 2008, 4:23 pm

الله - والله ضحكت بجد
وزى مابتقول حبوبتى {شكيت محنكم}
شكراً اعزائى تعلمون ان للضحك فوائد وعن نفسى احوج ما اكون للضحك فهل من مزيد ؟؟؟
بكل اسف الضحك من الأشياء التى لاتوجد فى السوبرماركت وليس هنالك صيدلية تصرفه ولكن الطبيب يوصفه ---بكم ومعكم يكون ويحلى الضحك أخوتى -نحن مرضى نبحث عن العلاج والمودر "بفتح خشم البقره"
اليكم فوائد الضحك "منقـــــــــــــــــــول"
من فوائد الضحك.. علاج الرئتين !
يرى الطب الصيني، أن ترطيب وتغذية الرئتين في موسم الجفاف أمر مهم للغاية ويقترح علينا ترطيب وتغذية الرئتين من خلال الإكثار من الضحك لتنشيط الرئتين.
ويؤكد الطب الصنين التقليدي على أن الضحك رياضة لرعاية الصحة، حيث أنه يوسع القفص الصدري وينشط الرئتين ويقوي عضلات الصدر ويزيل الحزن واختناق الصدر، ويربط بين الرئتين والكليتين ويفتح الشهية للطعام.
ولم تكن هذه الدراسة هي الاولى من نوعها التي توصي بالضحك للكثير من الفوائد حيث كان هناك دراسة عديدة سابقة كان آخرها ما توصلت إليه دراسة يابانية بأن الضحك أثناء تناول الطعام يمنع ارتفاع مستوى السكر في الدم وبالتالي يحمي من الإصابة بمرض السكري من النوع الثاني.
وأوضحت الدراسة التي نشرتها صحيفة (لو جورنال سانتيه) الفرنسية أن تقلص العضلات الجوفية الناتج عن الضحك يزيد من استهلاك الجسم للطاقة كما أن الضحك يمكن أن يؤثر على إفراز الهرمونات في الدماغ وفي الغدد الصماء التي تشارك في تنظيم مستوى السكر في الدم.
وقد قام الباحثون بقياس مستوى السكر في الدم قبل وبعد الطعام ل 19 مريض بالسكري من النوع الثاني وخمسة أشخاص غير مصابين بالمرض تناول جميعهم نفس وجبة الطعام ولكن بظروف مختلفة حيث تناولوا في اليوم الأول وجبة الطعام أثناء مؤتمر استمر لمدة 40 دقيقة وتناولوا طعامهم في اليوم الثاني أثناء حضورهم لمسرحية مضحكة.
أظهرت نتائج الدراسة أن مستوى السكر في الدم كان أعلى بكثير لدى المشاركين أثناء تناولهم الطعام أثناء المؤتمر من الذين تناولوا الطعام أثناء حضورهم للمسرحية.
ومن جانب آخر، يقول الأطباء إن الضحك مرات عديدة في اليوم ينعش القلب ويبقيه بصحة جيدة ويقلل من الإصابة بتجلط الدم فقد فاق في الآونة الآخرة عدد الوفيات الناتجة عن الإصابة بأمراض القلب والشرايين الوفيات الناتجة عن الإصابة بسرطان الثدي.
وينصح الأطباء بالإكثار من الضحك الذي يؤدي إلى الشعور بالحرية والراحة النفسية والانطلاق ومحاولة الضحك بصوت أعلى أي القهقهة بينك وبين نفسك عند عمل أي شيء مضحك أو إذا ارتكبت أي خطأ مضحك.‏
وتوصلت دراسة أميركية إلى أن الضحك أفضل دواء وأن مجرد التطلع إلى حدث إيجابي مضحك أو مشاهدة تجربة مضحكة‏،‏ قد يعزز جهاز المناعة ويقلل التوتر‏.‏
وأثبتت اختبارات أجريت أنه بمجرد توقع حدث سعيد بهيج أو مضحك‏،‏ قد يرفع مستويات الأندروفين والهرمونات الأخرى التي تحدث شعورا بالمتعة والاسترخاء وتخفض إفراز الهرمونات المصاحبة للتوتر‏.‏
هذا وقد بدأ الأطباء مؤخرا بإدخال الضحك والابتسامات على لائحة وصفاتهم الطبية التي لا تصرف من الصيدليات بل بتنظيم روتين حياة المريض مع الابتعاد عن الضغوطات النفسية والجسدية بالقدر المستطاع بالإضافة إلى الترفيه عن النفس.
ويرى الأطباء أيضا أن المرح داخل المراكز العلاجية مفيد للأطباء والممرضين أيضا، لأنه يساعدهم على التخلص من الضغط العصبي الناتج عن طبيعة عملهم الشاق.
ويعتقد بعض الخبراء أن لإضحاك المرضى وإدخال البهجة في نفوسهم أثرا مباشرا على أجهزة المناعة الطبيعية في أجسادهم. ويؤكد بعضهم أن فائدة الضحك لا تقتصر على تحسين الحالة النفسية للمرضى، بل تتجاوزها بشحذها قدرة الجسد على مقاومة الأمراض.
وإن الكثير من الأبحاث قد أجريت لاكتشاف التأثير الإيجابي للمرح على الحالة البدنية، حيث أظهرت تلك الأبحاث أن من يتعرضون للأزمات القلبية يمكنهم تفادي الإصابة بأزمة ثانية والتعرض لارتفاع ضغط الدم، ويمكنهم الاستغناء عن تعاطي كميات كبيرة من الأدوية إذا ضحكوا لمدة نصف ساعة كل يوم.
وقد ثبت علميا أن الضحك يؤدي لخفض معدلات إفراز المواد الكيميائية المرتبطة بحالات التوتر العصبي، ويقوي أجهزة المناعة وقدرة الجسد على تحمل الآلام.
وأكد الأطباء النفسيون أن المرح يعد وسيلة فعالة للتخلص من الضغط العصبي، وسلاحا لمواجهة وتجاوز ما يتعرض له الإنسان من إهانة أو مواقف صعبة ومحرجة، ويساعد على تجاوز كل أنواع الألم والمعاناة.
إلا أن دراسة سابقة ذكرت أن الإغراق في الضحك يضعف فعلا ويقلل القدرة على التحكم بالنفس، كما هو شائع في اعتقاد العامة. وجاء في دراسة نشرتها مجلة لانسيت الطبية أن الضحك الشديد يضعف قوى الإنسان ويضعف قدرته على التحكم في ركبتيه.
ويقول الخبراء الذين درسوا ظاهرة الضحك المفرط لدى سماع الإنسان نكتة ما أو مواجهة موقف معين، عبر إضحاك المشاركين في التجربة ودراسة رد فعلهم العكسي، إنهم اكتشفوا أن النكات المضحكة فعلا قللت قدرة الإنسان على التحكم بعضلات جسمه، ولكن هذا لا يحدث في حال النكات التي تثير الضحك المعتدل أو الابتسامة فقط
{اتمنى ان نضحك اكثر ونسأل الله سعادة الدارين يارب }
شكراً جزيلاً اخى المهندس أمير محمود
شكراً جزيلا عمو ضو البيت على العلاج الغير مقصود " ولدك داء ابرييق "
المزيد المزيد

مناهل محمد على حميده

المساهمات : 34
تاريخ التسجيل : 08/06/2008
العمر : 42

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى