أبداكي من وين / قاسم أبو زيد

ياسلام علي الرائع مصطفي الد‘ي طوع الكلمات فأتت علي لسانه مموسقه ومدوزنه مختاله بنفسها منسابه مع لحنها منسجمه مع بعضعها . لك التحيه أخي وليد . و آه ثم آآآآآه علي عم عبد الرحيم . عم عبد الرحيم هو ما يحلو لي أن أسمي به الراحل المبدع الإنسان (مصطفي سيد أحمد)عليه رحمة الله .

أخوي وليد بصراحة أنت عايز مننا شنو؟؟؟
بطريقتك ديه حتودينا في داهية
أو لا سمح الله تجيب خبرنا
حكايتك شنو معانا ....
بصراحة كلمني وقول لي
في حد موصيييييييييييك علينا ولا شنو؟؟
من وين بتجيب هذه الأشياء ...
من رأسك ولا من كراسك
رائع في اختيارك ...
سعيد في ليلك ونهارك ...
شكراً كتييييييييييييييييييييييير
لك التحية والتجلة والتقدير ...

كل الدروب الفيك سداها المحل
من ياتو شارع بوصلك
كل الدروب معطونه لآخر الوحل
بستبيح كل الشوارع وأدخلك
بستبيح كل المنافذ وأدخلك
من بين مسامك بدخلك
من إبتسامك بدخلك
من بين كلمك بدخلك
نتلاقى نهرين من تسامي وإشتهاء
أبداك من حيث إنتهت عندك خواتم الإنتهاء
من أي قاسم مشترك
أو شبه التشابه بدخلك

أخوي أسامة رأيك شنو؟؟
تري أنا بحب أسمع رأيك وصوتك وتعليقك؟؟
بخليك شوية الظاهر عليك سكران بهذه الرائعة
ولامن تفوق من الذهول بقول ليك عايز أشوف ردك وصدى هذه القصيدة الرائعة؟؟؟
أخوي أمير: أرجو التكرم بالرد على هذه القصيدة لأننا نثق بأنك سوف ترد عليه؟؟؟
أختي الشامخة مناهل: شايف الجماعة ديل فتحوا عليك النار، فأرجو رد الكرة في ملعبهم!!! نحن في إنتظارك على أحر من الجمر ....

فتكم بعافية

أبداك من وين ؟
فيني منك لسه حاجات من مخاوف ومن شجن
أبداك من وين وظني إنك فكرة إعلان الحياة
وإنتهاءات العوارض والمحن
نفسي ألقاك وأكون
كلي من بعضك أوبعضي من كلك بدن
داير إلقاكي وأوحد دائرة الدم المقسمه
بيني وبينك والسحن
أبداك مني ولا منك ابتديك محل محل
من ياتو منفذ بدخلك
كل الدروب الفيك سداها المحل
من ياتو شارع بوصلك
كل الدروب معطونه لآخر الوحل
بستبيح كل الشوارع وأدخلك
بستبيح كل المنافذ وأدخلك
من بين مسامك بدخلك
من إبتسامك بدخلك
من بين كلمك بدخلك
نتلاقى نهرين من تسامي وإشتهاء
أبداك من حيث إنتهت عندك خواتم الإنتهاء
من أي قاسم مشترك
أو شبه التشابه بدخلك