أخينا الجعلي والسفة ورمضان

إحقاقاً للحق هذه النكات منقووووووووووووووووووولة عشان نشر الضحك والابتسام بين ناس المنتدي والزوار

واحد غصبوه يعرس بت عمه (نظام غطي قدحك وكدة) ،، و المصيبة انو بت عمه دي شينة و متفلقصة ،، المهم عرسها و كل يوم يشيل و يطنن ،، اجر ليه بيت تعبان كدة و جيرانهم عزابة و الحيطة البينهم في جزء منها مهدوم ،، بت عمه كل يوم شابكاه ليك لازم نبني الحيطة دي ،، يوم صحبك زهجان شديد و جاته ليك الشينه و شبكته ليك الحيطة و لازم نبنيها ،، اسع العزابة ديل الواحد لو رفع راسه ساي يشوفني ،، قال ليها و الله لو كان شافو شناتك دي كان براهم بنوها

واحد سكران طينة وبعد السكرة ديك كلها شايل باغته في يده ،، واقف شماعة في الباص ،، يد ماسك بيها الحديدة الفوق و التانية مكنكش بيها في الباغة ،، الكمساري يطقطق وصل صاحبنا ،، السكران يفك يده من الحديدة عشان يدخلها جوة جيبه يطلع القروش ،، بعد شوية مع حركة الباص يتترتح يرجع يمسك الحديدة تاني ،، الكمساري زهج قال ليه يا اخينا جيب نمسك ليك الباغة دي ،، قال ليييييييييييه ما تمسك فوق .

جعلي في نص نهار رمضان ،، خاتي سفة دقار و مرخم ،، جات مارة جمبه مره ،، سجمي كبير كدي و فاطر؟؟
أأ ولية انتي جنيتي ؟؟ شفتي لِك صعوط بيفطر له جعلي ؟؟

واحد مسطول سألوا ناس : اخوانك اساميهم شنو؟
قام قاليهم : اخواني كلهم اساميهم محمد إلا اخوي خالد اسمو عبد القادر