ام روابة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

طرائف ونوادر من مدينتنا

+2
Admin
أسامة إسماعيل ضوالبيت
6 مشترك

اذهب الى الأسفل

طرائف ونوادر من مدينتنا Empty طرائف ونوادر من مدينتنا

مُساهمة  أسامة إسماعيل ضوالبيت الإثنين 02 يونيو 2008, 5:36 pm

أحبتي سلام عليكم جميعاً ..
هذه دعوة للجميع للمشاركة في هذا ( البوست ) عن أطرف القصص والنوادر وظرفاء المدينة ..
وإليكم ضربة البداية : -
تذكرون أيام شركة ( جورج فولر ) ومعسكرها الذي كان شمال ( الطريق السريع الآن ) . كانت أن أعلنت عن وظائف ( سواقين وحدادين وصناعية ) وكان نتيجة ذلك أن ( المنطقة الصناعية قد دخلت في موسم الهجرة إلى الشمال) قربت ( تفضى ) .
المهم في معاينة السواقين كان هناك عمنا ( حسن سكوته ) - ظريف من ظرفاء مدينتا - وكان عناك أمريكي مشرف على المعاينة ومعه المترجم ، وكانت طبيعة المعاينة هو إختبار السيطرة على الشاحنة وجودة القيادة . ومسرح الإختبار كان عبارة عن حفرة ( مزلقان ) وضعوا في جانبه إشارات تحدد المسار .
ولما جاء دور عمنا ( حسن سكوته ) ، صعد للشاحنة وطبعاً كانت شاحنة حديثة وكان هو خبيراً باللواري . المهم ( دوّر ) الشاحنة ومشى للأمام تمام وعندما هم بالحركة للخلف وكعادة ( السواقين حصرياً عندنا ) قام طلع رأسه بالشباك عشان يشوف مساره للخلف ..وهنا صاح الأمريكي ( ستوب ) - قام عمنا حسن داس فرملة - وسرت همهمة بين الأمريكي والمترجم ، عمنا حسن بغضب قال : في ششششنو . المترجم قال ليه الأمريكي قال ليك لمن تجي راجع للخلف ما تطلع راسك بالشباك .. فقط أنظر من خلال ( المرايات ) .. أها عمنا حسن قام نزل وجدع مفتاح الشاحنة بنرفزة وقال للمترجم : أسمع قول للخواجة بتاعك دا ( أني بندور نحلق دقنى ) وكانت كمية من الضحك .
ونواصل بإذن الله
مع مودتي

أسامة إسماعيل ضوالبيت

المساهمات : 24
تاريخ التسجيل : 29/05/2008

الرجوع الى أعلى الصفحة اذهب الى الأسفل

طرائف ونوادر من مدينتنا Empty طرفة أخرى

مُساهمة  أسامة إسماعيل ضوالبيت الإثنين 02 يونيو 2008, 6:09 pm

في بداية التسعينات كان جهاز الأمن ( كرت ) بمعداته وأفراده وكانوا مدورين في الناس يمنة ويسرة .. المهم مرة كانوا في دورية ليلية في جهة ( الحريق ) , وبالصدفة مروا بالقرب من ( طرمبة ) وسامعين ليك الجماعة جوة مدورين ( للطيش ) . وقاموا وقفوا العربية بتاعتم وكانت ( تاتشر كرت - بنزين ) منتظرين الجماعة يطلعوا ، ولما جماعتنا جو مارقين بمزاج قاموا ناس الدورية قالوا للجماعة ( يأخوانا يدكم معانا العربية دي دايرة دفرة ) وطوالي جماعتنا على حسب في ( الراسم ) قاموا ماشين على العربية .. لكن في واحد معاهم ( وازن مفتح ) قام عاين في العربية وعاين للجماعة وبراحة بدأ يخلع في ( سفنجتو ) ويختها حلقة بين ( أباطو ) وقام ليهم ( إنتو مجانين دا هديد بدفرو ) وقام فاكي هوا ... وفريق فلاته جاك زول .. ناس الأمن قالوا بس دا زولنا وقاموا بوراه صوف لكن زولنا الوكت داك دخل فريق فلاته وعييك ..
ونواصل
مع مودتي

أسامة إسماعيل ضوالبيت

المساهمات : 24
تاريخ التسجيل : 29/05/2008

الرجوع الى أعلى الصفحة اذهب الى الأسفل

طرائف ونوادر من مدينتنا Empty رد: طرائف ونوادر من مدينتنا

مُساهمة  Admin الثلاثاء 03 يونيو 2008, 9:01 am

Wink Laughing Wink Laughing Wink Laughing Laughing Laughing Laughing I love you pirat



انت ماظريف برضو يا ............. ابو الظرافه

الاخوه المنتدي بدأ على مصرعية يجيب حبايبو
خليكم معنا وما تمشو بعيد
لا تقفل النافذه ديييييييييييييييييييييييييي Evil or Very Mad
Admin
Admin
Admin

المساهمات : 121
تاريخ التسجيل : 08/12/2007

http://www.moryh.com

الرجوع الى أعلى الصفحة اذهب الى الأسفل

طرائف ونوادر من مدينتنا Empty رد طرائف ونوادر من مدينتنا

مُساهمة  على البشاره عمر الأحد 08 يونيو 2008, 8:35 am

الأخو أسامه السلام عليكم وشكرا على طلتك
بالمناسبة البوست ده مهم جدا وياريت تواصل . يا أسامه اتدفق وما تبقى رقراق و مزيدا من الطرف و ما أكثر الظرفاء بمدينة أم روابه
ولينا كلام ياشباب .. وأبقو عافية

على البشاره عمر

المساهمات : 7
تاريخ التسجيل : 04/05/2008

الرجوع الى أعلى الصفحة اذهب الى الأسفل

طرائف ونوادر من مدينتنا Empty ياسلام عليك ياعلى

مُساهمة  المهلب ضى النعيم محمد الأحد 08 يونيو 2008, 8:52 am

ياسلام عليك يااستاذ على لو تتم ماتبقى رقراق ابقى ياضل ياشموس ... وهجك شوارع ذاتى فى الليل الهباب......وواصل يااستاذ على البشاره

المهلب ضى النعيم محمد

المساهمات : 69
تاريخ التسجيل : 27/02/2008

الرجوع الى أعلى الصفحة اذهب الى الأسفل

طرائف ونوادر من مدينتنا Empty ابو محمد يا سمسم

مُساهمة  Amir M. Alamir الأحد 08 يونيو 2008, 7:10 pm

مبروووووك يا أخ أسامة
مزيداً من العطاء
وياها المحرية فيك ولا ما كدا يا ( شهبور بختيار)
ومن هنا نرسل التحايا القلبية للموسوعة الفيزيائية الأستاذ : صديق الهادي (فيزياء)من أطلق هذا الأسم علي أسامة
ولكل هيئة التدريس عبر الأجيال
Amir M. Alamir
Amir M. Alamir

المساهمات : 92
تاريخ التسجيل : 07/06/2008

الرجوع الى أعلى الصفحة اذهب الى الأسفل

طرائف ونوادر من مدينتنا Empty الأخوة أمراء التواصل النبيل

مُساهمة  أسامة إسماعيل ضوالبيت الإثنين 09 يونيو 2008, 5:46 pm

إخوتي أمراء التواصل النبيل : ود الريح ، على البشارة ، المهلب ، أمير .
أشكركم جميعاً على طلتكم ( ذات الدعاش المعتق بخريف أم روابة) .. وتواصلكم يعني الكثير بالنسبة لي .
وسوف يكون حافزاً لي للغوص عميقاً في نيل أم روابة ( عسى أن اظفر منه بأم كورو ذكرياتي ) عن طرائف ونوادر من مدينتنا . لأنه على مايبدو فقد طرأ طارئ على الذاكرة .
الأخ أمير الله ( يجازي محنك ) ياخي أنا نسيت ( شهبول بختيار ) .. التحية عبرك لنطاسي الفيزياء أستاذ ( صديق ) ولكل أساتذتنا الأجلاء .
لكم جميعاً مودتي .

أسامة إسماعيل ضوالبيت

المساهمات : 24
تاريخ التسجيل : 29/05/2008

الرجوع الى أعلى الصفحة اذهب الى الأسفل

طرائف ونوادر من مدينتنا Empty طرائف ونودار من مدينتنا -

مُساهمة  ضو البيت حامد تب الضو السبت 28 يونيو 2008, 11:39 am

الشكر موصول ليكم كلكم يا ناس يا ظريفين، وزي ما وعدت أخونا ود الريح عن نوادر ناس أم روابه بحاول أحكي ليكم اليوم أثنين وشوية شوية بحاول أن أستذكر القديم:
عمنا كلنا حامد ود الفيل يرحمه الله وجميع موتي المسلمين والمسلمات والمؤمنين والمؤمنات:

وهو من الرعيل الأول في أم روابه وهو -والد أخونا الأستاذ/يسين حامد الفيل برئاسة الجمارك - الخرطوم-
وعمنا حامد الفيل يعتبر أول دلال في أم روابه وبعده جاء برّا الفلاتي

في احد الأيام جاء أحد الأشخاص والظاهر كان محتاج عشان يبيع ساعته الخاصة به:
فخلعها من يده وأعطاها لعمنا ود الفيل:
عمنا بدوره أعطاها من المميزات ما يجعل انتباه الناس معاه...
ثم بدأ : ابن حلال يفتح الباب : ابن حلال يفتح الباب

رد عليه أحد الموجودين وبسرعة عشان الساعة عجبتو ...
10 قروش : تطلع عليه عمنا ود الفيل ورمقه بعين ناريه!! وما رد عليه
بعد شوية أعاد الكرة من جديد
ابن حلال يفتح الباب ....
أصر الرجل ان يسمع صوته للجميع !!!
ما قلنا 10 قروش أنت ما بتسمع ولا شنو؟؟
حالاً رد عليه عمنا ود الفيل وبصورة جادة؟؟
قلنا ابن حلال ابن حلال يا جماعة

ضو البيت حامد تب الضو

المساهمات : 73
تاريخ التسجيل : 16/06/2008
العمر : 62

الرجوع الى أعلى الصفحة اذهب الى الأسفل

طرائف ونوادر من مدينتنا Empty نوادر وطرائف من مدينتنا

مُساهمة  ضو البيت حامد تب الضو السبت 28 يونيو 2008, 12:15 pm

آمل أخوي ود الريح أن أكون عند وعدي، وكما وعدتك بالنوادر: وأخليكم مع هذه لحدي ما تسعفني به الذاكرة، وبرضو مر بدورك في صفحة النكات بتلقي الكثيييييييييييييييييييير:

مجتمع أم روابه من أرقي وأنبل وأطهر المجتمعات، وعرفت فيه الشليلية وكم كم كم ......

المهم أخونا الله يذكره بالخير (ابراهيم ود التوم) التوم ود البغل معروف لدى شريحة كبيرة
من أبناء أم روابه وهو فراش بالمدرسة القديمة: ابراهيم ابنه دمه خفيف شربات .... معروف
بتشجيعه لفريق الرابطة وفي دار الرياضة ....
ابراهيم ود التوم سايق الكارو الخاصة به، وداخل السوق من جهة بيت ناس أزهري محمد عبدالعزيز (أزهري دزّ) وهو داخل وجد هؤلاء النفر الكريم من ناس أم روابه جالسين جنب بيت ناس تبيدي "وهم ود حمير، ود حمار البلك وود ديك الروم) المهم بدء ابراهيم ود التوم قام قال ليهم (أزيكم يا أولاد الحيوانات) وطبعاً هم البينهم عامرة وبيعرفوا بعض قام عمك ود ديك الروم "اولاد الحيوانات منو!! نحن حتى اذا قلت انت نحن اولاد حيوانات نحن حيوانات حديقة، مش ود اولاد حيوانات في الغابة يا حيوان يا ود البغل ؟؟؟!!! ودخلوا في ضحكة طويللللللللللللللللللللللللللللللللللللة ، شوفوا ناس أم روابه وسجبيتهم السمحاء .....

ضو البيت حامد تب الضو

المساهمات : 73
تاريخ التسجيل : 16/06/2008
العمر : 62

الرجوع الى أعلى الصفحة اذهب الى الأسفل

طرائف ونوادر من مدينتنا Empty رد: طرائف ونوادر من مدينتنا

مُساهمة  Admin الأحد 29 يونيو 2008, 12:57 pm

والله ايام يا زمان
الواحد يستمتع بالجيرة
والاخوة
والنخوة
والرجاله

هذه صفات ابهاتنا ناس امروابه
الله ارحمهم وايانا

(ذيدنا يا الضؤ)
Admin
Admin
Admin

المساهمات : 121
تاريخ التسجيل : 08/12/2007

http://www.moryh.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى