امروابة حبيبتي ومدينتي وفردة جناحي التانيه

اذهب الى الأسفل

امروابة حبيبتي ومدينتي وفردة جناحي التانيه

مُساهمة  محمد العمده في السبت 07 يونيو 2008, 10:15 pm

انه لشرف عظيم ان اطالع صفحة حبيبتي ومدينتي وفردة جناحي التانيه امروابة ضمن صفحات الانترنت تلك المدينة التي شهدت مولدي في يوم خريفي موسم بريحة الدعاش المخلوط بعبق البخور تلك المدينة التي شهدت مهد طفولتي ومرتع صباي وتسلق النيم ولعب (ام حفر,صلصلت,كمبه,بمبه,كركعت, كورة الشراب والتمددعلي الرملة الدقاقة) ولكل من يسأل عن ناس امروابة بنقول ليهم نحن هنا ورسالتي لكل ناسنا الحلوين المتواجدين بالسودان وبدول الخليج باخطار كل ناس امروابة بهذا الموقع للتسجيل والتواصل ومناقشة تطوير امروابة ثقافيا وفنياً
ولكم مني كل الاشواق
نيويورك

محمد العمده

المساهمات : 17
تاريخ التسجيل : 04/06/2008
الموقع : نيويورك

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

ود العمده

مُساهمة  المهلب ضى النعيم محمد في السبت 07 يونيو 2008, 10:31 pm

مرحاااااااااااااااااااااااااااااااااااااااااااااااااااااااابا بكا الاستاذ ود العمده وادعوك بالاندياح

المهلب ضى النعيم محمد

المساهمات : 69
تاريخ التسجيل : 27/02/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

شكرا يا مهلب ذكرتنى ذكرتنى قصيده "ما طال في بحرك في مي"

مُساهمة  على البشاره عمر في الأحد 08 يونيو 2008, 8:18 am

شكرا يا مهلب ذكرتنى ذكرتنى قصيده "ما طال في بحرك في مي" كلمات / محمد الحسن سالم حميد

يا بلدي يا فردة جناحي التاني وكت الناس تطيرلي عالمة
وا وجعة الزول البيجيك ما يلقى فيك غير الهجير ناسا توادي مسالمة
كل البشاشات القبيل يلقاها ميتة مسممة والجاته جاتة من الارض ما جاته من تال السما
ما اعتى غبنك يا ولد واعدل قضيتك واعظمها
لا ترجع السيف الجفير والدنيا فايرة مصادمة
من غير تجيب تار البلد ريح العوارض تهزمها
تطرد مع ابليس الاخير دعة الضلال
من جنتك يا آدمها

تأكل من الشجر الحلال يغشاك نعاس في ضل رمى
تختال هضاريب الصعب كربة ليالي المظلمة
يا نيل قبل خاطرك يطيب ارضك تفزع باللهيب
تكشح تواريب الغضب صعب المراس نوبة و زنوج وبجة وحلب
رطانة عربان مواشو ومولدين تلقانا او نلقاك ضو
ظلمة لياليك العجاف رشة نهاراتنا النشاف
امنا بيك وموحدين
في ايدينا فاس وقلم رصاص
شتلة وكمنجة ومسطرين
وطبنجة في خط التماس

على البشاره عمر

المساهمات : 7
تاريخ التسجيل : 04/05/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: امروابة حبيبتي ومدينتي وفردة جناحي التانيه

مُساهمة  Admin في الأحد 08 يونيو 2008, 8:30 am

ود العمدة
حبابك الف في بيتك
وسعدنا على المرور والمشاركة
ومن قبل التسجيل
اهلا وسهلا
avatar
Admin
Admin

المساهمات : 121
تاريخ التسجيل : 08/12/2007

معاينة صفحة البيانات الشخصي للعضو http://www.moryh.com

الرجوع الى أعلى الصفحة اذهب الى الأسفل

يا علي البشاره مصطفي قالماوجدت ناس زواقين للفن زي ناس امروا

مُساهمة  محمد العمده في الأحد 08 يونيو 2008, 6:05 pm

ظاهر حبك لمصطفي يا ابوعلوه ليك مني طيبه وقيل ان مصطفي نفسه في حفل زواج له بامروابة قال ماوجدت ناس زواقين للفن زي ناس امروابة ويكفينا فخر

طيبة ..... محمد الحسن سالم حميد

كل ما تباعد بينا عوارض
كل ماهواك ياطيبة مكني
تلد الغربة القُرب الواحد
وبيك أسمي الشوق وأكني
لما أفوتك من دون خاطر
او دون خاطر منى تفوتي
بلقى حبايب في كل حته
وكل بيوت الفقرا بيوتي
لا غيرت وراك الحتة
ولا بدلت ملامح صوتي
لا غافلني وهادن فني
غامل المدن الما عرفتني
تبن الشوق الصبرو ومصبر
للأرياف الكم وفتني
وللأطفال الناشفة ضلوعها
ونازفة بغني
أهدي دموعها وأطمن روعها
بي بسمة بكرة الماها تمني
وما مصنوعة
أغني لشعبي ومين يمنعني
أغني لقلبي إذا لوعني
مخير دربي الما رجعني
إذا طلعني نخلة القرب
ولا الغربة الكدرومية
تنزل غنوتي بي قمرية
او وقعني مكنة القرب في بطن الجب
بطلع يوسف بالأغنية
أغني الناس الما بتسمعني
المني بعيدة المبعدة عني
الإيدي في إيدها
وإيدا في حضني
في دنيا جديدة اليوم راح تدني
النادي نشيدها وكنت المعنى
وأريت غنواتي في ناس شغالة
تكون سندالة وعود طورية
ضراع رجالة
كتاب أطفالها وجملة فالها الما مكرية
بقة فالا وسدت مالا
في ليلة الدخلة على اسمى قضية
حبيبة قلبي ياسودانية
يااسمي معاني
في زول بيعاني
ياود ضكران
يابت دغرية
وانا ان سامعاني
فضلت أغاني غبش فقرية
وروح غانياتي
هويتك منك يا جابداني
براحة إيديا كما الأشواق
وياجابداني برفق عليا
وما بتحير بين الفوق
وبين الناس التحتانيه
الا مغير ولا عقوق
ولا عديم الإنسانيه
ومنك وين ياكاشفة عينيا
بنور الإلفة ضيا الحنيه
وحلم العالم ناس تتسالم
والبنى آدم صافي النيه
والأطفال الناشفه ضلوعها
أطمن روعها
وجاتنا تغني غناوي البكره
الكم مسموعة
حسيس طمبارة مع نقارة
صفقة حاره وداره تغني
فيا حلتنا عليك ترابك
وإنت شبابك زينة الجنة
احلى عروس البلد اللتنا
وإلا الغبش الرابه تهني
و الا هدير المدن التصحى
وتمحى ظلام الحاصل عني

محمد العمده

المساهمات : 17
تاريخ التسجيل : 04/06/2008
الموقع : نيويورك

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

حباب بلدي وحباب ناسا

مُساهمة  محمد العمده في الأحد 08 يونيو 2008, 6:16 pm

حباب بلدي وحباب ناسا
الف مرحب بيك والله ود الريح وجهدك مقدرعلي لمة الناس وربطهم مع بعض
وتواصلي هذا ان شاء الله قطرة من سيل مع حبايبي واهل قبيلتي الامروابيه وللامام

محمد العمده

المساهمات : 17
تاريخ التسجيل : 04/06/2008
الموقع : نيويورك

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى