تاكيـــــت البــــاب

استعرض الموضوع السابق استعرض الموضوع التالي اذهب الى الأسفل

تاكيـــــت البــــاب

مُساهمة  Amir M. Alamir في الخميس 12 يونيو 2008, 10:36 am

تاكيت الباب واستنيتك..
صيفين..وشتا..ورشة مطره
ما حسك كان صاحي وبي خير
والو انك واضحة ومختصرة
وكتين ما جيت …….
ضايرت الخوف..حزمت التوب
وصيت الغيمة تلاوح البيت
وما تسد الباب..جايين راجعين
متيمنة بيك ..وشاردة معاك
حافتش ليك.. برات الضل …جوات الدمْ
ما بين النار و صراخ جمرة
حاجيك…….حاجيك
وبراى ..هل كنت براي قايل ؟
صورتك جواي ……
و الفكرة الخاصة المجنونة..
ونستنا في آخر الليل …
و الليل..
ومشيت عديت كم ساحة
حالقاك..
سجمانة..ورازة..ونطاحة
متعكننةْ ….
مبشتنتة الساعات …….
ودقا يق الروح المتراوحات..
والزمن ألما بيكون منحاز …….
والبلمني بيك رحيتو دقيق..
ستات السوق عاسنو فطير ..
ميتان حيلو
مازمنك ما بقبل غيرو ..
ولا غيرك غير
سكران بالهم..ما وعيتك
مطعون جرحك متسربل دم ..؟
ما داويتك ..
غبيت احترته ..
ومِرّق الصبر الشايل حيلك ….
مال بالحيل ..
ضللت عليك بي قولة الحق ..
ما عارف إني معاك بسواك..
لكن وحدك متغابي وطيب
وغايظني..
عدن كم حول مستني أقول …
يآخي احبك
وأتآمر ضدك . . .

من روائع الأستاذه : نجلاء عثمان التوم
avatar
Amir M. Alamir

المساهمات : 92
تاريخ التسجيل : 07/06/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى