نيمتكم دي مال فاضيه؟
5 مشترك
صفحة 1 من اصل 1
نيمتكم دي مال فاضيه؟
التحيه للجميع .. يا اخواننا انا كل يوم بجي اتحاوم هنا براي و برجع ما بلقي اي زول . ولا غنمايه حابمه ساكت مافي . فاضيه زي شوارع امروابه .. كل الود
aljaly omer- المساهمات : 22
تاريخ التسجيل : 19/03/2008
مسامات الانامل
السلام عليكم جميعا وخصوصا تكل النيم والله حقيقه انه المنتدى فاضى ومافى ناس بس قاله البت بعمره اهله وعلى ماظن اهل امروابه مشغولين بامور اخرى والله اعلم (او اساسا مابدخله النت او يكونه ماعارفين ) المهم والاهم انا نيابة عن صاحب هذا الموقع وبعد الاذن منه اتقدم بالدعوه الى كل اهلى وعشيرتى الامروابيه بان تسلهم فى تعمير هذا الموقع بالارا والمواضيع القيمه وان نتفاكر ونتناقش ونتحاور ونتاجدل فى المفيد الى بلدنا واهلنا وانا اعلم جيدا ان فى المملكه تحديدا اعيان من ابناء امروابه وافذاذ فى افكارهم ياريت الواحد يتلاقى مع هذه المجموعات الطيبه وياتكل النيم بدلا من ان تلوم الناس بادر انتا بالتوجد والجلوس على المنتدى بدلا من الحوامه فى الشوارع ؟ وعذرا اذا دخلت دوششششششششششششششش من غير رتوش وشت ضفارى لكم منى العتبا حتى تجتمعه اخوكم المهلب ضى النعيم من ابناء امروابه الغاليه (حى حمو شمال)
المهلب ضى النعيم محمد- المساهمات : 69
تاريخ التسجيل : 27/02/2008
رد: نيمتكم دي مال فاضيه؟
المهلب شوت ساي يا ابوي شوتك ما غريب علينا من زمن الشماليه والجديده . لكن انا كل يوم بجي بلقاها فاضيه باخد لي فيها قده وبمشي . بديكم للاسبوعف الجايي لو ما لقيت فيها زول بفتح لي فيها طبليه
aljaly omer- المساهمات : 22
تاريخ التسجيل : 19/03/2008
لك العتبى حتى ترضى
سلامات ياتكل النيم اولا انتا يظهر فهمتنى غلط انا ماقصدى اشوتك ذى مانتا فهمت (وانا لوعايز اشوت مابشوت فى بيتنا ) المهم هنا ما مكان الشوت والظاهر انتا اتلسعت منى فى احد المواقع المهم انا اسف ولك العتبى حتى ترض نحنا هنا من اجل شمل اهل البيت الواحد (الامروابى) فهمت قصدى وياسيدى اذا ماحبيت تعرفنى على نفسك فى الموقع العام mohalab952@hotmail.com ممكن نتعرف اكتر على الميل والاهم من كدا نساعد صاحب هذا المجهود الجبار فى لم شمل كل العصافير الامروابيه فى هذا الموقع على الاقل نكون ساهمنا مع الاخ ود الريح وارجو من جميع الامروابين ان يساهمو فى هذا المشروع ولك ايضا منى العتبى ياتكل النيم
المهلب ضى النعيم محمد- المساهمات : 69
تاريخ التسجيل : 27/02/2008
رد: نيمتكم دي مال فاضيه؟
للمهلب هوي يا العشاء بلبن شوت شنو البتتكلم عنو ده . انا فاهمك بتتكم عن شنو ورديت عليك حسب الهظار العادي المهذب لكن ما شايف سبب يخليك تفهم وترد بالصوره دي .اظنك الكلام ده فهمتو بالركبه ما براسك . يا ابوي انا لي منك 11 سنه من اخر مره قابلتك فيها . الشغلانه ونسه وهظار .. ما شكل ومناقره من البدايه . وبيني وبينك لو عرفتني انا منو حتعرف الشوت الما كضب :
aljaly omer- المساهمات : 22
تاريخ التسجيل : 19/03/2008
سلامات يارئع
بسم الله الرحمن الرحيم
الاخ تكل النيم سلامات والله انا الى الان ماعرفتك انتا منو بالظبط بس بتعامل معاك على اساس انك واحد من الاسره الامروابيه الرئعه واكيد انتا واحد من هؤالاء الرئعين المهذبين وهذا ليس علينا بجديد (علشان انتا امروابى ) ؟؟؟؟؟ المهم والاهم نحنا هنا من اجل الحب والاخاء والاحترام ومناقشت المواضيع الهادفه التى تساهم فى رفعة وتنميه امروابه الغاليه عندنا والمهم والاهم ( انتا ايضا ماتفهمنى غلط وعلى العموم انا بعتذر ) وبقول ليك سلامات يازول يارئع سلامات سلامات سلامات وربنا يوفقنا فى مساعدة هذا الرئع ود الريح فى جمع كل عصافير امروابه على هذا الويب ولك سلامى واحترامى
الاخ تكل النيم سلامات والله انا الى الان ماعرفتك انتا منو بالظبط بس بتعامل معاك على اساس انك واحد من الاسره الامروابيه الرئعه واكيد انتا واحد من هؤالاء الرئعين المهذبين وهذا ليس علينا بجديد (علشان انتا امروابى ) ؟؟؟؟؟ المهم والاهم نحنا هنا من اجل الحب والاخاء والاحترام ومناقشت المواضيع الهادفه التى تساهم فى رفعة وتنميه امروابه الغاليه عندنا والمهم والاهم ( انتا ايضا ماتفهمنى غلط وعلى العموم انا بعتذر ) وبقول ليك سلامات يازول يارئع سلامات سلامات سلامات وربنا يوفقنا فى مساعدة هذا الرئع ود الريح فى جمع كل عصافير امروابه على هذا الويب ولك سلامى واحترامى
المهلب ضى النعيم محمد- المساهمات : 69
تاريخ التسجيل : 27/02/2008
رد: نيمتكم دي مال فاضيه؟
this is fine to here that from let us keep building up muhallab ... salam
aljaly omer- المساهمات : 22
تاريخ التسجيل : 19/03/2008
تكل النيم
شكرا تكل النيم بس ماقلت الى الان هل النيمه فاضيه ولا ملانه ولسه مصر على فتح الطبليه ولشفت مشروع اخر ( سلامات )
المهلب ضى النعيم محمد- المساهمات : 69
تاريخ التسجيل : 27/02/2008
رد: نيمتكم دي مال فاضيه؟
ما شا الله بقت عامره.. لكن فكرة الطبليه ما زالت قائمه . ويا حبزا لو لقينا لينا ست شاي جابت كانونها وجات تكون تمت الناقصه عشان الناس تقعد وتتناقش بمزاج.. ولو لقينا لينا ستات تسالي زي البفرشن في النيمه بتاعت الشماليه .. وكوم بتاع بطيخ وارد الملجه
aljaly omer- المساهمات : 22
تاريخ التسجيل : 19/03/2008
كل ما نشتل الفراح تجى القدار تمد يدا
والله عماره علشان انا امروابى اصيل ما من ال...ق...ر.....ى؟؟؟؟ عرفتا بس فكرة ست الشاى عجبتنى والبطيخ كمان ولا كن الاهم من كدا واااااااااااااااين المواضيع علشان ست الشاى ماتزهج مننا وانتا الظاهر كدا من الناس الدرسه فى الشماليه والله انا الان اتوق لمعرفتك اكثر ياريت علشان اقدر اتعامل معاك بلا محدوديه تمام ؟. ويارب تدوم المحبه بين جميع اهل امروابه الناس الطيبين البسيطين فى كل شى سلامات يارئع
المهلب ضى النعيم محمد- المساهمات : 69
تاريخ التسجيل : 27/02/2008
رد: نيمتكم دي مال فاضيه؟
الناس دي حيرتنا .قلنا طبليه ما نفع . ست شاي ما نفع .. بطيخ مانفع .. كشتينه كيف معاكم ؟
aljaly omer- المساهمات : 22
تاريخ التسجيل : 19/03/2008
كوشتينه
كوشتينه ياتمرجى دى امشى العبا فى نادى الرابطه ... والله ياتكل نيم انا برضه تعبت بس يظهر لازم نقوم بحمله اعلاميه مكثفه على هذه الصفحه علشان نساعد فى لم شمل الاهل والاحباب والتمرجيه وكل من هب ركب القطر ياناس شباب امروابه فى خطر
المهلب ضى النعيم محمد- المساهمات : 69
تاريخ التسجيل : 27/02/2008
رد: نيمتكم دي مال فاضيه؟
الظاهر النيمه دي بدت تعمر .. من النيمات الخالده بزاكرتي .. نيمة ننو عندها طعميه ما زلت ازكر طعمها لخصوصيته ودي في الكورنه الجنوبيه الشرقيه لمدرسة الجديده ... نيمة العربجيه ودي في الكورنه الشماليه الشرقيه للجامع الكبير جمب مكتبة عبد القيوم .. النيمه الشرق بقالة الاسره حيث العنكوليب و التسلي و الشمام والبطيخ. تاني النيمه الفي ميدان المستشقي ودي اخليها لناس مهلب انا ما كنت معاهم
aljaly omer- المساهمات : 22
تاريخ التسجيل : 19/03/2008
رد: نيمتكم دي مال فاضيه؟
الإخوة ( تاكل نيم ) والمهلب ..
سلام عليكم جميعاً ..
إنني جد مسروراً للتواجد معكم ( تحت نيمتكم الوارفة ) وأستميحكم عذراً للمشاركة معكم في إسترجاع ذكريات أم روابة العظيمة .
وهاكم من النيم زيادة :
أتتذكرون نيمة عمنا العزيز ( بدوي ) قبالة ميدان المستشفى حيث فطور( البوش ) الشهي . وطبعاً الكلام دا كان في الثمانينات ( الزمن الجميل ) .
وهناك نيمة ( علي عوض ) في غابة الصمغ ولا أدري ماسر تلك النيمة .
ثم أتتذكرون نيمة ( قمبو ) ... ونيم النيل ( زمن الجكيس ) لمن كان الناس يمشون ( إثنين إثنين والكلام الدقاق ) زمن الأصيل الخريفي ( والخدار المفتح ) يا حليل أم روابة .
أعزائي هي أم روابة لا يمكن أن تنمحي أبداً من قلوبنا وعقولنا . كلما نجد فرصة من الزمن ونستريح قليلاً ، لا تلبث أن تأتي أم روابة بكل قوة إلى دهاليز الذكريات الجميلة ( لتشتت ) ما عداها من ذكريات .
أها يأخوي ( تاكل نيم ) ويا أخوي المهلب دي أول الغيث عشان النيمة تكون عمرانة بكل جميل كما جمالكم .
تقبلوا خالص تحياتي وسوف أتواصل معكم .
مع مودتي
سلام عليكم جميعاً ..
إنني جد مسروراً للتواجد معكم ( تحت نيمتكم الوارفة ) وأستميحكم عذراً للمشاركة معكم في إسترجاع ذكريات أم روابة العظيمة .
وهاكم من النيم زيادة :
أتتذكرون نيمة عمنا العزيز ( بدوي ) قبالة ميدان المستشفى حيث فطور( البوش ) الشهي . وطبعاً الكلام دا كان في الثمانينات ( الزمن الجميل ) .
وهناك نيمة ( علي عوض ) في غابة الصمغ ولا أدري ماسر تلك النيمة .
ثم أتتذكرون نيمة ( قمبو ) ... ونيم النيل ( زمن الجكيس ) لمن كان الناس يمشون ( إثنين إثنين والكلام الدقاق ) زمن الأصيل الخريفي ( والخدار المفتح ) يا حليل أم روابة .
أعزائي هي أم روابة لا يمكن أن تنمحي أبداً من قلوبنا وعقولنا . كلما نجد فرصة من الزمن ونستريح قليلاً ، لا تلبث أن تأتي أم روابة بكل قوة إلى دهاليز الذكريات الجميلة ( لتشتت ) ما عداها من ذكريات .
أها يأخوي ( تاكل نيم ) ويا أخوي المهلب دي أول الغيث عشان النيمة تكون عمرانة بكل جميل كما جمالكم .
تقبلوا خالص تحياتي وسوف أتواصل معكم .
مع مودتي
أسامة إسماعيل ضوالبيت- المساهمات : 24
تاريخ التسجيل : 29/05/2008
رد: نيمتكم دي مال فاضيه؟
الأخ أسامه اسماعيل لك التحيه وشكرا للمشاركه . من نييماتك نيمه علي عوض كانت من اشهر النيم لانه النيل كان وكت يجي اول حاجه بجي في نيمة علي عوض ويستقر هناك لمدة اسبوع او ما يقارب ثم يواصل رحلته للمكان المعروف جنوب السكه حديد . وكنا نقطع الفيافي مشيا علي الاقدام لنراه هناك عند نيمة علي عوض. كما كانت نيمه علي عوض من الاماكن الجذابة التي يقصدها اهل امروابه الحنينين رحل. في الاعياد والمناسبات .وبرضو من الاماكن الجاذبه .. امدم قضيضيم والجوغان.. زات الغابات الجميله .. نتمني من الله مدا في الايام لنعيد زكرياتنا في ربوعها . شكرا اسامه
aljaly omer- المساهمات : 22
تاريخ التسجيل : 19/03/2008
اتكاءه على مرافى النيم
فى البد شكرا الاخ اسامه على ولوج الى نيمتنا ونيمة اهل امروابه الحنان ومن لشهر النيم نيمة البطيخ فى ميدان المستشفى وياتكل النيم انتا معايا وايضا نيم الميدان ( ميدان المولد ) والله يااسامه ذكرتنى اشهر نيمه نيمة قنبو الله عليك لك الف شكر وكمان نيمة على عوض والله ذكريات جميله والاتى اجمل
المهلب ضى النعيم محمد- المساهمات : 69
تاريخ التسجيل : 27/02/2008
رد: نيمتكم دي مال فاضيه؟
يا مهلب نيمتك دي بتزكرها ..كده كييف ؟
عدل سابقا من قبل takul neem في الخميس 05 يونيو 2008, 6:42 pm عدل 1 مرات
aljaly omer- المساهمات : 22
تاريخ التسجيل : 19/03/2008
مافى داعى للفضايح
حبينا والله عرفتها لا كن فى داعى تقولها بالصوت العالى كدا المهم والله دى ايام حلوه مابتتنسى وياحليلها
المهلب ضى النعيم محمد- المساهمات : 69
تاريخ التسجيل : 27/02/2008
نيمات في الذاكرة
ناس التكل هوووي ,,,, سلام غشاكم
بالله ما أحلي القعدة ( البريئة ) تحت ضل نيمة
أول نيمة عالقة في الذاكرة كانت أمام المدرسة الشمالية , ما أحلي هذه النيمة بعد الفطور ( ستات الطعمية و التسالي الحب الغالي وفول الحاجات و فول أب-قوي وقراصة النبق و حلاوة شعيريه
و الويناؤ ( دي أكيد في ناس ما سمعو بيها ) و أبو رجيلة و الهالوك ( أكل الملوك )
والزلابية ( لقمة القاضي الفاضي ) .
وهذه أعتبرها نيمة من جيلي يعني شباب وكدا
ولا يفوتني ذكر نيمة المحكمة ( حمانا الله و إياكم ) ونيمة المقابر ( لساكنيها الرحمة ) والتي إعتدي عليها أحدهم و نيمة الدلالة ( عجوز )
ونيمة بنك الخرطوم و نيمة الكهرباء ونيمة البطري و لا ننسي نيم ميدان المولد و أخص بالذكر النيمة القدام بيت عمنا الطيب مجاور و التي عصف بها خريف أحد الأعوام في غياب تغطية المايكرويف
ولا ننسي اللالوب والهشاب و القرض و النبق ( السدر ) و البانيان ( اللبخ ) و الباوباو ( التبلدي) وهنا نذكر التيمان ( تبلدية عمنا عبدالله يوسف و التي في بيت ناس الاستاذ عثمان الطيب )
و دليبة ناس الركزة التي ( ماتت واقفة كعادة الشجر ) فتكفل بها فاس أبا دودو ( فنان بعودو )
والتحية لكل الشجر القامات
ونواصل ...........
بالله ما أحلي القعدة ( البريئة ) تحت ضل نيمة
أول نيمة عالقة في الذاكرة كانت أمام المدرسة الشمالية , ما أحلي هذه النيمة بعد الفطور ( ستات الطعمية و التسالي الحب الغالي وفول الحاجات و فول أب-قوي وقراصة النبق و حلاوة شعيريه
و الويناؤ ( دي أكيد في ناس ما سمعو بيها ) و أبو رجيلة و الهالوك ( أكل الملوك )
والزلابية ( لقمة القاضي الفاضي ) .
وهذه أعتبرها نيمة من جيلي يعني شباب وكدا
ولا يفوتني ذكر نيمة المحكمة ( حمانا الله و إياكم ) ونيمة المقابر ( لساكنيها الرحمة ) والتي إعتدي عليها أحدهم و نيمة الدلالة ( عجوز )
ونيمة بنك الخرطوم و نيمة الكهرباء ونيمة البطري و لا ننسي نيم ميدان المولد و أخص بالذكر النيمة القدام بيت عمنا الطيب مجاور و التي عصف بها خريف أحد الأعوام في غياب تغطية المايكرويف
ولا ننسي اللالوب والهشاب و القرض و النبق ( السدر ) و البانيان ( اللبخ ) و الباوباو ( التبلدي) وهنا نذكر التيمان ( تبلدية عمنا عبدالله يوسف و التي في بيت ناس الاستاذ عثمان الطيب )
و دليبة ناس الركزة التي ( ماتت واقفة كعادة الشجر ) فتكفل بها فاس أبا دودو ( فنان بعودو )
والتحية لكل الشجر القامات
ونواصل ...........
Amir M. Alamir- المساهمات : 92
تاريخ التسجيل : 07/06/2008
نيمات في الذاكرة
ناس التكل هوووي ,,,, سلام غشاكم
بالله ما أحلي القعدة ( البريئة ) تحت ضل نيمة
أول نيمة عالقة في الذاكرة كانت أمام المدرسة الشمالية , ما أحلي هذه النيمة بعد الفطور ( ستات الطعمية و التسالي الحب الغالي وفول الحاجات و فول أب-قوي وقراصة النبق و حلاوة شعيريه
و الويناؤ ( دي أكيد في ناس ما سمعو بيها ) و أبو رجيلة و الهالوك ( أكل الملوك )
والزلابية ( لقمة القاضي الفاضي ) .
وهذه أعتبرها نيمة من جيلي يعني شباب وكدا
ولا يفوتني ذكر نيمة المحكمة ( حمانا الله و إياكم ) ونيمة المقابر ( لساكنيها الرحمة ) والتي إعتدي عليها أحدهم و نيمة الدلالة ( عجوز )
ونيمة بنك الخرطوم و نيمة الكهرباء ونيمة البطري و لا ننسي نيم ميدان المولد و أخص بالذكر النيمة القدام بيت عمنا الطيب مجاور و التي عصف بها خريف أحد الأعوام في غياب تغطية المايكرويف
ولا ننسي اللالوب والهشاب و القرض و النبق ( السدر ) و البانيان ( اللبخ ) و الباوباو ( التبلدي) وهنا نذكر التيمان ( تبلدية عمنا عبدالله يوسف و التي في بيت ناس الاستاذ عثمان الطيب )
و دليبة ناس الركزة التي ( ماتت واقفة كعادة الشجر ) فتكفل بها فاس أبا دودو ( فنان بعودو )
والتحية لكل الشجر القامات
ونواصل ...........
بالله ما أحلي القعدة ( البريئة ) تحت ضل نيمة
أول نيمة عالقة في الذاكرة كانت أمام المدرسة الشمالية , ما أحلي هذه النيمة بعد الفطور ( ستات الطعمية و التسالي الحب الغالي وفول الحاجات و فول أب-قوي وقراصة النبق و حلاوة شعيريه
و الويناؤ ( دي أكيد في ناس ما سمعو بيها ) و أبو رجيلة و الهالوك ( أكل الملوك )
والزلابية ( لقمة القاضي الفاضي ) .
وهذه أعتبرها نيمة من جيلي يعني شباب وكدا
ولا يفوتني ذكر نيمة المحكمة ( حمانا الله و إياكم ) ونيمة المقابر ( لساكنيها الرحمة ) والتي إعتدي عليها أحدهم و نيمة الدلالة ( عجوز )
ونيمة بنك الخرطوم و نيمة الكهرباء ونيمة البطري و لا ننسي نيم ميدان المولد و أخص بالذكر النيمة القدام بيت عمنا الطيب مجاور و التي عصف بها خريف أحد الأعوام في غياب تغطية المايكرويف
ولا ننسي اللالوب والهشاب و القرض و النبق ( السدر ) و البانيان ( اللبخ ) و الباوباو ( التبلدي) وهنا نذكر التيمان ( تبلدية عمنا عبدالله يوسف و التي في بيت ناس الاستاذ عثمان الطيب )
و دليبة ناس الركزة التي ( ماتت واقفة كعادة الشجر ) فتكفل بها فاس أبا دودو ( فنان بعودو )
والتحية لكل الشجر القامات
ونواصل ...........
Amir M. Alamir- المساهمات : 92
تاريخ التسجيل : 07/06/2008
رد: نيمتكم دي مال فاضيه؟
الاخ امير
نيمة المدرسة الشمالية
لا يمككنا المرور عليها الا ونذكر اوالدتنا السريتي
تلك الوالدة الحنونة
الفاضلة
كل الاجيال لا ولن تنسى فضلها
بالجود والموجود
ونسأل الله ان يغفر لنا ان بدر منا ما يضايقها ونحن في حمية الجاهلية
والصبيا
ولا اذكر طوال ست سنوات ان تجاوزنا حدود الادب او لقينا منها ما يضايقنا
السريتي والدة عظيمة
ومداخلتي سطحية
ربما هناك من هو ادرى مني بشأن هذه الوالدة
فليتحفنا
نيمة المدرسة الشمالية
لا يمككنا المرور عليها الا ونذكر اوالدتنا السريتي
تلك الوالدة الحنونة
الفاضلة
كل الاجيال لا ولن تنسى فضلها
بالجود والموجود
ونسأل الله ان يغفر لنا ان بدر منا ما يضايقها ونحن في حمية الجاهلية
والصبيا
ولا اذكر طوال ست سنوات ان تجاوزنا حدود الادب او لقينا منها ما يضايقنا
السريتي والدة عظيمة
ومداخلتي سطحية
ربما هناك من هو ادرى مني بشأن هذه الوالدة
فليتحفنا
نيم النيل ( خور ابو حبل )
الاخوه الاعزاء سلامات على كل الرئعين اكيد امروااااااااااااااااااااابين والله الواحد مشتاق الجلسه فى نيم النيل وكمان شاى العصريه بالذات يوم الجمعه باللقمات فى نيم النيل والله ليه طعم خااااااااااااااااااااص جدا جدا وياحليل امروابه وحليل ناسا والله ناس تتاصل فيهم الطيبه بكل المعانى ووجدانيين الى حد المبالغه والواحد مهما كتب وتكلم مابقدر يعطى امروابه نصف حقها بل جزء من الحق المستحق امروابه التى شهدت تاريخ ميلادى والتى احتضنتنى فى طفولتى الى مهدى من مدرسة امروابه الشماليه (حينها المدير صديق حاج موسى) الى امروابه المتوسطة مدرسة الجديده ( ومجاور الاستاذ والمربى الفاضل ) ومن بعده احمد ابو الحسن والثانويه ( والاستاذ الجليل عليه الرحمه حاتم خلف الله) واكيد طفولتى وانا من ناس حى حمو اكيد اكيد الروضه عند ماما مدينه واختها حياة والله ايام وذكريات فى مدينتنا الفاضله امروابه علشان انا واحد من ملاين العندهم نفس الذكريات الجميله والايام الحلوه ادعوكم بكل الهمة والمساوليه بان نعمر هذه الصفحه الجميله الانيقه التى تشبه امروابه فى كل شى ونحنا اصلا مااظن فى بينا اى حواجز ولا جدران لااننا اولاد بيت واسره واحده اسمها امروابه علشان كده عايزين همة الكل فى طرح المواضيع الممكن امروابه تستفيد منها فى اى مجال من المجالات انتا اطرح او اطرحى الطرح وسيبى موضوع النقاش للكل والتشاور والتفاكر من غير اى عصبيه او جهويه واكيد امروابه محتاجه لمشاريع كثيره مثلا لا الحصر ممكن نطرح موضوع المياه وكيفية الخروج من هذه الازمه التى المت بمدينتنا او نتكلم فى موضوع الصحه والتعليم الاولى والعام والعالى مدينه بمثل امروابه ليس بها جامعه ومن اكبر ومحافظاة ولاية شمال كردفان وتوج جامعه باسم شمال كردفان وليس فى امروابه اى كليه حيويه من هذه الجامعه وممكن نتكلم ونتناقش وتفاكر فى الكثير ومن اهم المواضع المهم الان هى تكوين الرابطه بالرياض (المملكه العربيه السعوديه) ليه نحنا متاخرين الى الان فى كل شى وقرى صغيره جدا فى السودان متقدمه ممكن نشوف المشاكل بتاعتنا والمعضله واااااااااااين ونحلها وعفوا احبيتى ان اطلت وهذه وجه نظر وحسب (انا)
المهلب ضى النعيم محمد- المساهمات : 69
تاريخ التسجيل : 27/02/2008
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى