إن كيدهن عظيم .... وهو يستاهل خيركم خيركم لأهله

استعرض الموضوع السابق استعرض الموضوع التالي اذهب الى الأسفل

إن كيدهن عظيم .... وهو يستاهل خيركم خيركم لأهله

مُساهمة  ضو البيت حامد تب الضو في الأحد 22 يونيو 2008, 7:42 pm

الأثنين خرحوا من البيت، بعد مشادة كلامية بين الرجل وزوجته؟!
يا تشتري لي الثوب اللي عايزه أو بعرف أداويك كيف؟؟؟
يعني بتهدديني!!؟؟ ما بتشريته ليك لو بقيت زي الشمس؟؟
وأنا في وأنت في وأعلى ما في خيلك أركبيهو ....

الهاشمية والرجالة قامت بيهو وبقي سايق ومسرع شديد في شارع أفريقيا وما جايب خبر فجأة شاف في المراية بتاع شرطة المرور بيأشر ليهو!

وقف الراجل عربيته وجاه الشرطي وسأل الراجل : شنو
يا أخوووونا أنت البلد قايل ما فيها واحد غيركم، ما في قوانين سير أو مرور الحكاية شنو؟ الواحد فيكم ما يعقل بس؟ وأنتو ناس واعين وكبار

وأضاف مواصلاً حديثه :انت كنت مسرع فوق ال180 كيلو في الساعة وهذا الطريق سرعته القصوى ما تتعدى 60كلم في الساعة عشان كذا انا بعمل ليك مخالفة .
الرجل : لا معليش أنا كنت متعدي ال60 بشوية يا أخونا عشان زوجتي مريضة ولاحق المستشقى .
>>>
زوجته : لا أنت كنت ماشي على بسرعة 160ك الأقل . والحمدلله أنا نصيحة وما عندي مرض وما بدعي المرض. وكلمت قلت ليك ما تسرع البلد بحكومته وناس البوليس فيهم البركة وشغالين في الحر ديه...

قام الزوج أعطى زوجته نظرة حقــد .
>>>
بتاع الشرطة : وكمان بعمل ليك مخالفة برضو عشان الضوء الخلفي مكسور
>>>
الراجل : مكسور ؟؟ أنا ما كنت جايب خبر بأنه مكسور .
>>>
الزوجة : أووه إنت كنت عارف عن اللمبة إنها مكسورة من كم أسبوع .
>>>
وأعطاها زوجها نظرة حقد ثانية .
>>>
الشرطي : وكمان بعمل ليك ورقة إنذار عن عدم ربط حزام الأمان .
>>>
الراجل : يا أخوي أنت كترتها أنا فكيته لما وقفت السيارة وجيت عندك .
>>>
الزوجة : لا لا لا أنت ما عمرك ربطت حزام الأمان
.
التفت الزوج على زوجته وزعق عليها : إنتي ما تعرفي تسكتي أبدا؟؟
>>>
سأل الشرطي الزوجة : لو سمحتي يا أختنا هو دايم يصرخ عليك بالطريقة ديه؟؟
>>>
الزوجة : لا بس لما بيكون سكران .
>>>
قال الشرطي : وكمان برضو سكران !!
>>>
قال الرجل : لا لا تصدقها ..
>>>
قامت قالت ليهو أكان ما مصدقني شوف القزازة في العربية يوم سرقناها
>>>
قال الشرطي : يعني السيارة مسروقة .

قال الرجل : مسروقة ما تسمع كلامها ديه مجنونة وزعلانة مني عشان طلقتها للمرة الثانية ومرجعها لبيتهم ولأبوها >>>

والتفت على المرأة موجهاً له كلامه بطلقك المرة الثالثة وتبقي ليك نهاية معاي >>>
قال الشرطي للمرأة : هو دائماً يهددك بالطلاق بهذه الطريقة .
>>>
قامت قالت ليهو : أول خليهو يتزوجني بالحلال وبعدين يقول لي طلقانه

ضو البيت حامد تب الضو

المساهمات : 73
تاريخ التسجيل : 16/06/2008
العمر : 55

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: إن كيدهن عظيم .... وهو يستاهل خيركم خيركم لأهله

مُساهمة  مناهل محمد على حميده في الأحد 22 يونيو 2008, 8:32 pm

عمو ضو البيت
أضاء الله عقلكم بحلاوة الإيمان فى الأولى والآخرة ونحن يارب ياكريم
والله يوميا بكون حريصة أدخل المنتدى وداء أضعف الإيمان الظروف أبعدتنا عن السفر لأم روابة وبارك الله فى الاخوة القائمين على امر المنتدى هو ترى يومى أنا بكون فى ام روبة عبر المنتدى
احكى اليك طرفة عن كيــــــــــــــــــــــــد النساء
كان فى ولد تربى مع جدته (حبوبته) وبدأت تغرس فيه مفاهيم عن كيد النساء وعمل ليهو نوته يعنى كراسه صغيره كل مرة الجده تقول ليهو ياولدى ان المراة قالت ليك عندها صداع مستهبله وكذابه ماتصدقها ابداً وان قالت ليك ضرسى بيوجعنى داء النفاق بحالو المهم الولد يشيل ويكتب ويكتب ويكتب وصار راجل فى عمر الزواج وعشان يختار بت الحلال دى فى حدى ذاتها كانت مشكلة المهم ياسيدى قام اقتنع اخيراً بواحده وتم الزواج الحمد لله لكن المسكينه دى ما تشكى من شيئ إلا وصاحبنا يقول ليه انتظرى يجرى يشوف النوته ويجيها راجع لا لا مافى حاجه بالشكل داء حبوبتى قال فى زى الحالة دى انتى بتستهبلى والمره الجايه يقول ليها انتى بتكذبى على وتانى داء مكر انت بتمكرى على ياسيدى يوم المرة زهجت ليك زهج من وقعت الندامه دى وقالت لازم تدبر حيله للزواج وانتظرت الموقف لمن جاء لعندها وقال ليها بكره انا عازم اصحابى غداء وقالت ليهو يالف مرحب باصحابك ومايفوتكم الراجل عامل فيها جعـــــــــــــــــلى قالت ليهو بعد تشترى الخضار معاك بطيخه - ياسيدى قومى يالمرة عندك بطيخه فى البيت افتحيها بطريقه جيده وافرغت محتواها ووضعت بدلو (صير) سمك صغير وعملت فيها حريفه اخدت البطيخه الجديده ووضعت بدلها بطيختها وكأنما شئ لم يكن وعملت فيها مشغووووله بتجهيز الغداء وقالت للراجل انت عليك تجهز البطيخه وعمك مصدق دى بطيختو الجابو معاهو وقام دخل السكين ويجيك الســـــــــــــــــمك وعمك الجعلى يصرخ ويصرخ وغطوه بالبطانية من الحمى البطيخه جواها السمك وهى قامت بسرعه وضعت البطيخه السليمه بدل الفيها المقلب والناس يازول قول بسم الله دى البطيخه سليمه فى شنو -وهى من بعيد دى البطيخه سجم خشمى الراجل جنى بسم الله الرحمن الرحيم وبس قربت منو وقالت ليهو اها دى فى نوتك ولا دفتر حبوبتك ،،،
هاهاهاها

مناهل محمد على حميده

المساهمات : 34
تاريخ التسجيل : 08/06/2008
العمر : 42

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

إن كيدهن عظيم .... وهو يستاهل خيركم خيركم لأهله

مُساهمة  ضو البيت حامد تب الضو في الإثنين 23 يونيو 2008, 9:34 am

أشكرك على مرورك
شوفتي كيف!!
بالله بسألك سؤال!
السؤال نفسه نسيته!؟ أعذريني يا أختاه
بس عايز أقول بأنك - حفظك الله -
إطار لكل رسم جميل
تعليقاتك تزين ومداخلاتك تعطي رونق لكل موضوع يدخل المنتدي
وتكملو ... تزينه ... تزيده بريقاً ومعناً وبعداً وعمقاً وحلاوة
عقداً تحلم كل أثني أن يزين جيدها
هلالاً يفتخر كل عريسا أن يزين جبينه

أهو السؤال جاءني وقبل ما أنساه:
وعشان ماشي أمروابه، أرجوك تسلمي على كل زول/زولة صغير/كبير ذكر/أثني (أو العكس)
وبالذات في ريسينهم وقبلي إيديهم وبتقدري تمد ليهو إيديك الشريفة مدي ليهو إيديك تاني (مني أنا)
وقبلي لي كل ذرة من ذرات رمال أم روابه (معليش عندي يقيني بأنك ستؤدي الأمانة) بس سلام على ذرة واحدة يكفي عشان ما تمشي من الغبشة تبدي السلام.
السؤال هو اذا ما نسيت يا اختي
تعليقاتك ومداخلتك من نوتك ولا دفتر حبوبتك ،،،

ذكرتونا يا ناس المنتدي
بالمنتزه ميدان الربيع القديم
المنتزه ما بين المدرسة الشمالية والجنوبية ..
خليتكم كلكم بعافية .. يا ناس أم روابه ومنتداها

معليش أطلت عليكم ... أعذروني

ضو البيت حامد تب الضو

المساهمات : 73
تاريخ التسجيل : 16/06/2008
العمر : 55

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: إن كيدهن عظيم .... وهو يستاهل خيركم خيركم لأهله

مُساهمة  مناهل محمد على حميده في الإثنين 23 يونيو 2008, 12:10 pm

{والله يوميا بكون حريصة أدخل المنتدى وداء أضعف الإيمان الظروف أبعدتنا عن السفر لأم روابة وبارك الله فى الاخوة القائمين على امر المنتدى هو ترى يومى أنا بكون فى ام روبة عبر المنتدى }
عزيزى ضو البيت ســـلامك يصل بس ياريــــــــــــــــــــــــــــــــــت انا لــــــــــــــــــــــــــــــــــــــــو كنت مسافرة لكن ثق ياسيدى أول سفريه سوف أبلغ لكن يبدوء لى ما قريبه بكل آسف
لو قلت ليك مابتكون عندى إجازة خالص تقول شنو ؟؟؟؟
وداء الحاصل والحمد لله
مع خالص التوقير

مناهل محمد على حميده

المساهمات : 34
تاريخ التسجيل : 08/06/2008
العمر : 42

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

إن كيدهن عظيم .... وهو يستاهل خيركم خيركم لأهله

مُساهمة  ضو البيت حامد تب الضو في الثلاثاء 24 يونيو 2008, 4:29 pm

ربنا يحفظكم في حلك وترحالك ...
أنت الثريا الشامخة وأم روابه دارك...
شكراً على مرورك وعلى مشاعرك ...

ضو البيت حامد تب الضو

المساهمات : 73
تاريخ التسجيل : 16/06/2008
العمر : 55

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى