مرســال الشـــــــوق

يا ود بابكر
التحيات لك , تعقبها طيبات من الشكر و الثناء
و أبشر يا سيدي , البلد ما مشحودين ليها
وفي كل الأحوال : مرحباً بك نوراً في منتدي الضياء
وعشاك عندنا الليلة .... قول تم .
وضل النيمة داخرنو لي يوماً تزف في ليلو حورية
جمال إشراق و عيدية

الرائع المهندس / أمير محمود خالص التحيات والأشواق ونقول ياربنا ياقادر ياوهب كل الشي النادر تجمعنا في بلدنا الحلوه أمروابه , حقيقة لفته بارعة وقصيده جميله جدا تستحق الوقوف على أبياتها الرائعه , وإنشاءالله نقراء الكثير من مشاركاتك ياود محمود
وأكيد حنلتقي في ضل النيمه ونشرب الروب ونأكل القدوقدو ......

مرسال الشوق ياالكلك ذوق
أغشي الحبان في كل مكان
قول ليهم شفناجبل مَره
وعشنا اللحظات حب ومسرّه
بين غيمه تغازل كل زهره
وخيال رمانه علي المجري
****************
لوحة فنان تمحي الأحزان
ُزرِقه وحُمره صُفره وخـُضره
حلوه ونضِره وزفة ألوان
بين غيمه تغازل كل زهره
وخيال رمانه علي المجري
****************
وزهر نايرنادي وبسّام
بالحيل داير ريشة رسام
جيرانو جداول هيمانه
وصنوبره نادية وريانه
كزمرده في صورة بانه
ورتنا العزيزه العاجبانا
الدرنا تكون هسه معانا
وتشوف بعيوناالنعسانه
وتتم الصوره الفنانه
****************
ونقول ياربنا ياقادر
يا واهب كل شيء النادر
يااللفنان أمرك صادر
تجمعنا كمان مره ومره
بين الحبان في جبل مره